Քովիդ-19-ի պատվաստանյութերի լուսաբանումը

Դասընթացի ներածություն

Ներկայումս Քովիդ-19-ի համավարակը սաստելու հիմնական քայլերից մեկն ամբողջ աշխարհում դրա դեմ իրականացվող լայնածավալ պատվաստումներն են։ Եվ այսպիսով, պատվաստանյութերը, դրանց արդյունավետությունը, անվտանգությունը, ինչպես նաև՝ հասանելիությունը թեմաներ են, որոնց լրագրողները պետք է անդրադառնան ամեն օր՝ հաշվի առնելով դրանց շուրջ առկա «երկմտանքը» և ապատեղեկատվությունը։

Այս դասընթացի նպատակն է օգնել ձեզ հասկանալ՝ ինչպես հավասարակշռել ձեր դերը՝ որպես լրագրող, որը լուսաբանում է պատվաստանյութերի կարևորության վերաբերյալ հանրային առողջապահական թեմաներ՝ միևնույն ժամանակ վստահ լինելով, որ պահպանում եք էթիկական մոտեցումները և լրագրողական չափանիշները պատվաստանյութերի արդյունավետությանն ու անվտանգությանն առնչվող պնդումներին քննադատաբար անդրադառնալու ժամանակ:

Դասընթացի արդյուքները

• պատկերացում կկազմեք պատվաստանյութերի ստեղծման հիմքում ընկած գիտության մասին,

• կսովորեք տարբերակել արժանահավատ աղբյուրներն ու տեղեկությունները,

• կկարողանաք դառնալ վստահելի աղբյուր` ներկայացնելով ճշգրիտ և ստուգված տեղեկություններ պատվաստումների վերաբերյալ,

• որպես լրագրող կկարողանաք ճշգրիտ և արդյունավետ կերպով հարցադրումներ անել և մեկնաբանել պատվաստումներին վերաբերող՝ հանրային առողջապահության ուղերձները,

• կկարողանաք տարբերակել «պատվաստանյութերի վերաբերյալ երկմտանքը», ապատեղեկությունը և հակատեղեկությունը, և հասկանալ՝ երբ ու ինչպես անդրադառնալ դրանց:

ԾԱՆՈԹԱՑԵՔ ՁԵՐ ԴԱՍԸՆԹԱՑԱՎԱՐՆԵՐԻՆ

ԴԵԲՈՐԱ ՔԵԼԻ (DEBORAH KELLY)։ Ձեր դասընթացավարը «Թոմսոն» հիմնադրամի վերապատրաստումների և հաղորդակցության բաժնի ղեկավարն է։ Նա ավելի քան 30 տարվա փորձ ունի որպես ավագ լրագրող։ Աշխատել է բրիտանական և միջազգային մեդիա կազմակերպություններում, ինչպիսիք են BBC-ն, Al Jazeera-ն, ITV News-ը և Thomson Reuters-ը։Նրան են միանում՝ 

⦁ ԱՆՋԱՆԱ ԱՀՈՒՋԱՆ (ANJANA AHUJA) Financial Times միջազգային լրատվական կազմակերպությանը գիտությանն առնչվող թեմաները լուսաբանող նյութեր է տրամադրում։ Նա դոկտորական աստիճան է ստացել աստղաֆիզիկայի ոլորտում Լոնդոնի արքայական քոլեջում, գիտական լրագրության դասախոս է Լոնդոնի Սիթի համալսարանում (Միացյալ Թագավորություն)։

⦁ Գոհար Աբրահամյանը 2010 թվականից զբաղվում է լրագրությամբ՝ այս ոլորտում իր ուղին սկսելով Հայաստանում համացանցային առաջին լրատվամիջոցներից մեկում՝ armenianow.com կայքում։ Այժմ անկախ լրագրող է, համագործակցում է ինչպես տեղական, այնպես էլ միջազգային հեղինակավոր լրատվամիջոցների հետ՝ անդրադառնալով Հայաստանում մարդու իրավունքների խնդիրների, սոցիալական, առողջապահական, գենդերային հարցերի։ «Հանուն հավասար իրավունքների» կրթական կենտրոն ՀԿ համահիմնադիրն է, ծրագրերի համակարգողը։ Աբրահամյանը զբաղվում է նաև հոդվածների խմբագրմամբ, լրագրողական տարբեր ծրագրերի համակարգմամբ։

Դասընթացի նկարագիրը

Բաժին 1: Դասընթացի ընդհանուր նկարագիրն է։ 

Բաժին 2: Բացատրում է՝ ինչպես հասկանալ և մեկնաբանել գիտական փաստերը դրանց վերաբերյալ արդյունավետ ու ճշգրիտ հարցեր և բացատրություններ տալու համար։

Բաժին 3: Անդրադառնում է պատվաստումներին դեմ մարդկանց շրջանում տարածված «պատվաստանյութերի վերաբերյալ երկմտանքին» և դավադրության տեսություններին և սովորեցնում է՝ ինչպես լուսաբանել կասկածելի նյութերն ու հերքել միֆերը։

Բաժին 4: Դիտարկում է, պատվաստումներից բացի, Քովիդ-19-ի դեմ պայքարի այլ միջոցները, ներառյալ՝ «հրաշք դեղամիջոցների» ցանկը։

Այս դասընթացն ավարտելու համար կպահանջվի մոտավորապես 2 ժամ։ 

Սույն դասընթացը պատրաստվել է հայերեն Ամերիկայի ժողովրդի աջակցությամբ` ԱՄՆ Միջազգային զարգացման գործակալության ԱՄՆ ՄԶԳ միջոցով: Այստեղ արտահայտված տեսակետները կամ նյութի բովանդակությունը միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները: