Mobile Journalist - Kursi Fillestar

Në këtë kurs online do të mësoni bazat e gazetarisë përmes telefonit celular (mobile journalism), nëpërmjet ushtrimeve praktike që do t’ju aftësojnë në krijimin e fotografive cilësore, regjistrimin e audios, videos si edhe montimin e historive gazetareske përmes telefonit celular.

Do të mësoni si të merrni nën kontroll telefonin tuaj “smart” dhe si të mendoni si një “mobile journalist”. Ky kurs do t’ju fuqizojmë me aftësi që ju bëjnë gazetarë më të mirë dhe krijues të pavarur të përmbajtjes gazetareske.

Çfarë do të mësoni:

• Bazat dhe avantazhet e gazetarisë në celular

• Si të zotëroni kamerën e celularit tuaj

• Si të regjistroni audio dhe të shkrepni fotografi të cilësisë së lartë nëpërmjet telefonit

• Si të montoni videot/audiot në celular duke përdorur aplikacione pa pagesë

 Njihuni me trajnerin: 

ALEKSANDAR MANASIEV, është gazetar Maqedonas, fitues i shumë çmimeve, prodhimet e tij janë publikuar në mbi 50 media në rajonin e Ballkanit dhe më gjerë. Ai ka mbi 17 vite përvojë si gazetar, korrespondent dhe redaktor në median e shkruar, televizive dhe dixhitale.

Aktualisht është kryeredaktor i medias “Vidi Vaka” dhe vitet e fundit eksperimenton me sukses forma inovative të tregimtarisë gazetareske.

Përmbajtja e kursit:

Pjesa 1 – Tregon strukturën e kursit dhe shpjegon konceptet baze të gazetarisë mobile.

Pjesa 2 – Përshkruan avantazhet e gazetarisë përmes telefonit celular dhe pajisjet e nevojshme për të përfunduar këtë kurs.

Pjesa 3 – Përshkruan bazat e gazetarisë mobile – fotografimin dhe këshilla për të shkrepur fotografi cilësore me telefonin celular

Pjesa 4 – Shpjegon elementin e dytë të gazetarisë mobile – videon dhe këshilla për të krijuar video cilësore me telefon celular

Pjesa 5 – I dedikohet këshillave për regjistrimi cilësor të audios (zërit), duke përdorur telefonin celular.

Pjesa 6 – Shpjegon fazën e fundit – montimin e kronikave gazetareske përmes telefonit celular, duke përdorur aplikacione pa pagesë.

Koha e nevojshme për të përfunduar të gjitha sesionet e këtij kursi online është katër orë.