Дастрасӣ ба иттилоот дар Ҷумҳурии Тоҷикистон

Чун дар кишварҳои дигар дар Тоҷикистон низ дар мавриди озодии баён ва дастрасӣ ба иттилоот чанд қонуни миллӣ вуҷуд дорад. Ин қонунҳо дар кишварҳои мухталиф ба таври гуногун номгузорӣ шуда, онҳо кафолати гирифтани маълумот ва муқаррар кардани механизмҳои дархостро дар сатҳи қонунгузорӣ, инчунин масъулият барои вайрон ё маҳдуд кардани ҳуқуқ ба озодии иттилооти ҳар як шаҳрвандро таъмин мекунанд. 

Дар ин давра мо ба таври муфассал  таҷрибаи байналмилалии дарёфт кардани иттилоот ва вазъият Тоҷикистонро баррасӣ хоҳем кард. Дар ҷараёни  машғулиятҳои амалӣ  дархостҳо таҳия карда ва  онҳоро ирсол мекунем. Мо ин маҳоратро меомӯзем ва онро ба одати хуб табдил медиҳем. Омодаед?

Ончӣ шумо меомӯзед

• Шумо бо мафҳуми “Ҳуқуқи дастрасӣ ба иттилоот” ошно мешавед  

• Шумо бо асосҳои  қонунгузории Ҷумҳурии Тоҷикистон, ки имкони гирифтани иттилоро медиҳад, шинос мешавед

• Шумо дарсҳои амалии муфидро аз коршиносони беҳтарини ВАО-и ҶТ мегиред   

• Шумо тарзи навиштани дархостҳои босалоҳият ва ирсоли онҳоро меомӯзед

• Шумо абзорҳои дифоъ аз ҳуқуқи худ барои дастрасӣ ба иттилоотро дарёфт хоҳед кард 

Давра аз чаҳор бахш иборат аст:

• Бахши 1 шарҳи давра ва муаррифии коршиносони бахши расонаҳоро дар бар мегирад.

• Бахши 2 шарҳ медиҳад, ки дархост барои дастрасӣ ба иттилоот чист ва чаро онро бояд пешниҳод кард.

• Бахши 3 ба таври муфассал дар мавриди НАҲВАИ ирсоли дархост барои дастрасӣ ба иттилоот суҳбат мекунад.

• Бахши 4 тарзи бархурд бо одамон ва созмонҳоеро шарҳ медиҳад, ки барои худдорӣ аз ироаи  маълумоти дархосткардаи шумо талош мекунанд.

Давомнокӣ

Шумо метавонед ин давраро дар якчанд дарсҳо анҷом диҳед, ки давомнокии умумии онҳо аз 6 соат зиёд нест.