Мобилно новинарство - почетен курс

На овој курс ќе ги научите основите на мобилното новинарство преку вежби за креирање моќни фотографии, снимање аудио и видео како и монтирање на новинарски приказни на мобилен телефон.

Ќе научите како да преземете контрола над вашиот паметен телефон и како да размислувате како мобилен новинар. Овој курс ќе ви понуди вештини кои може да ве направат подобри новинари и посамостојни креатори на медиумска содржина.

 ШТО ЌЕ НАУЧИТЕ:

• Основи и предности на мобилното новинарство
• Како да преземете контрола над камерата на вашиот мобилен телефон
• Како да снимите квалитетни фотографии, аудио и видео снимки со вашиот паметен телефон
• Како да монтирате новинарски приказни со бесплатни апликации на вашиот мобилен телефон

 ЗАПОЗНАЈТЕ ГО ВАШИОТ ИНСТРУКТОР:

АЛЕКСАНДАР МАНАСИЕВ е наградуван новинар од Македонија чии новинарски приказни се објавени во над 50 медиуми во балканскиот регион и пошироко. Има новинарско искуство од повеќе од 17 години работејќи во печатени медиуми, телевизија и дигитални медиуми.

Главен уредник е на дигиталниот медиум Види Вака и последниве години успешно експериментира со нови форми на дигитално раскажување на новинарски приказни.

СОДРЖИНА НА КУРСОТ:

 Дел 1  дава преглед на курсот и го објаснува концептот на мобилното новинарство.

 Дел 2 ги опишува предностите на мобилното новинарство и потребната опрема за завршување на овој курс

 Дел 3 го опишува првиот аспект на мобилното новинарство- фотографијата и начините како да се создаде моќна фотографија со мобилен телефон

 Дел 4 го објаснува вториот елемент на мобилното новинарство- видеото и начините како да се создаде квалитетна видео содржина со мобилен телефон.

 Дел 5 е посветен на снимање квалитетно аудио со помош на мобилен телефон.

 Дел 6 го објаснува последниот дел – монтирање на новинарски прилози на мобилен телефон со помош на бесплатна апликација.

За овој курс ќе ви требаат приближно 4 часа за да го завршите низ повеќе сесии.