Siguria e gazetarëve në mbulimin e protestave

Përshkrimi i kursit

Si gazetarë, ne zakonisht e vendosim historinë në radhë të parë dhe mendojmë për sigurinë tonë, vetëm kur ndodh një situatë potencialisht e rrezikshme. Ky kurs do t'ju ndihmojë të përgatiteni siç duhet për të mbuluar protestat dhe të dini se si të reagoni nëse ato bëhen të dhunshme. Ju do të mësoni se si të përgatisni dhe mbroni pajisjet tuaja, në mënyrë që të mos humbni materialin që keni mbledhur. Cilat janë të drejtat tuaja ligjore? Çfarë veprimi mund të ndërmarrin oficerët e policisë kundër jush në protesta? Si të silleni nëse arrestoheni? Këto janë gjithashtu disa nga shumë pyetjet që do të marrin përgjigje gjatë kursit. Së fundmi, askush nuk mbetet i paprekur pasi ka parë ose përjetuar ngjarje traumatike. Kjo është arsyeja pse kapitulli i fundit do të merret veçanërisht me shëndetin mendor dhe mirëqenien e gazetarëve të përfshirë në protesta të dhunshme.

Çfarë do të mësoni:

• Ju do të mësoni përse mbulimi i protestave është bërë një nga punët më të rrezikshme në gazetari;
• Ju do të zbuloni se si renditet Ballkani Perëndimor për sa i përket sigurisë së gazetarëve kur mbulojnë protestat, krahasuar me pjesën tjetër të botës;
• Ju do të mësoni rreth rreziqeve të mundshme me të cilat do të duhet të përballeni nëse raportoni nga protesta të dhunshme;
• Do t'ju udhëzojmë si të planifikoni para se të dilni në terren, për çfarë të jeni të vetëdijshëm, çfarë të merrni me vete dhe çfarë pajisjesh mbrojtëse mund t'ju nevojiten;
• Ju do të mësoni se si të përballeni me gazin lotsjellës, si t'i drejtoheni policisë apo si të silleni në rast goditjeje;
• Ju do të njiheni me të drejtat tuaja ligjore si gazetarë - çfarë mund të filmoni ose fotografoni dhe çfarë mund dhe nuk mund t'ju kërkojë policia të bëni;
• Ju do të njiheni me teknikat e sigurisë digjitale, si të mbroni telefonin ose kompjuterin tuaj dhe t'i mbani të sigurta dhe të kriptuara komunikimet tuaja;
• Ju do të mësoni se si ta ulni stresin dhe të dalloni shenjat që ju tregojnë se është koha të kërkoni ndihmë nga një profesionist.                                                          

Njihuni me instruktorët tuaj

Natasa Kovacev, instruktorja juaj e kursit, është  reportere lajmesh me përvojë e cila ka mbuluar shumë protesta në vendet e Ballkanit Perëndimor dhe në të gjithë Evropën. Ajo punon aktualisht për telvizionin N1 në Serbi dhe përpara kësaj ka qenë korrespondente për Al Jazeera Balkans. Për shkak të punës në terren, ajo ka qene në shumë vende me trazira, si Ukraina në vitin 2014, Brukseli dhe Ankaraja pas sulmeve me bombë, apo Bukureshti gjatë demonstratave të mëdha anti-korrupsion, kështu që, i është dashur të përballet personalisht me vështirësitë që kanë reporterët. 

Natashës do t'i bashkohet edhe një ekip i fortë ekspertësh të medias: